Desember Wes Kaap Kampering

[Jules]

More almal

Ek oorweeg sterk om bietjie die Wes Kaap te besoek in Desember, moontlikheid om n vriend van my se huis in Skelmbos te bly terwyl hul met vakansie is maar hy is nog nie 100% wat hul planne is nie.

Julle is mos n klomp manne daar inne Kaap waar is n lekka plek in die Stellenbosch omgewing om te kamp, wil so bietjie ook dan daar n paar trails doen en dalk vir n paar dae opgaan Cederberge of Weskus toe.

Shalom
Jules

[KOOS BEST]

Jules , maak n avontuur daarvan tot in die Kaap, jy kan byna grondpad ry van die Oos Kaap tot in die Kaap.
As ek vir jou raad kan gee , bly weg van alle teerpaaie , en kamp so af op plase ens tot daar onder. Ons het n mooi land , geniet dit so ry ry af.
Koos

Hierdie Des/ Jan doen ek al Thomas Bain se passe, begin by Naudes nek, dan die "8 passes of the Eastern Cape" , kamp naby Rhodes vir drie dae, dan 3 x Bergkwagga, dan De VLUGT , Die Hel, Gamka, Grootvaderbosch,Seweweekspoort , Anysberg en Sutherland, Karoo Nas Park, Mokalo,en Oos Vrystaat.
Ek doen nie meer die see ding in Des/Jan nie , bly klaar by die see.

[tour de frans]

Jules,bel my.Sal lekker wees om weer te sien.Ons kan gaan speel of watookal.
Groete
Frans

[Jules]

Koos dit is my plan om so n JOURNEY te doen wil dalk sommer by Sani pas opgaan en deur Lesotho ry en so dag of drie daar spandeer, ek is besig om al my Wegry tydskrifte deurte blaai vir plekkies weg van die ratrace. Ek wil egter baie graag R62 ook ry en by n paar van daardie lekka brannewyn plase aangaan( moenie worry nie ek is nie n alkoholis nie) geniet net n goeie brannewyn met n bietjie windpomp sherrie en n paar blokkies ys.

Frans ek sal jou verseker kontak as ek daar innie Kaap is sal goed wees om julle weer te sien, dalk ry ek in Pieter vas daar in Lesotho.

Shalom
Jules

[KOOS BEST]

Ek gebruik ook my weg tydskrifte om van my roetes te beplan ens.Dit is darem goeie leesstof, net jammer Dana skryf nie meer so baie nie.
Ek sien die Weg se sirkulasie is nou 2 keer meer as Getaway. Eks so bly daaroor, want toe daar die tydskrif (wegbreek)uit gebring is is gese n Afr. tydskrif gaan nie oorleef nie , nou ja daars al die Weg, Wegry, en Wegsleep met nog ander bylae op die rakke.Dit is nou selfs in die rooi taal ook
Onthou jy nog die skrywe van die redakteur van Getaway wat gese het hul Afrikaanse lesers het hul nie nodig nie,toe nog n hofsaak met Wegbreek oor die naam en toe verander hul hul eie naam na Mooiloop , maar die het net vir 6 mnde bestaan wel hy het toe nooit besef meer as 3/4 van sy lesers was Afrikaans nie, die syfers bewys dit nou.Afrikaners soek eie leestof met eie bekende skrywers en redakteurs.

Weg tydskrifte is seker die mees volledige inligting wat jy kan kry vir die gewone man op straat. Getaway gaan by plekke oornag @ R 3000.00 p/p dan se hul dit is "GOOD VALUE FOR MONEY", miskien moet hul maar saam met TOP BILLING gaan toer.
Ek bly maar by Pasella en Weg,.

[Stefan]

Waar wil jy kamp Jules?

[Jules]

Hi Stefan

Defnitief n area wat ablusie geriewe het waarvan die vrouens sal hou, nie n uithang plek is vir manne wat tot watter tyd in die aand sit en suip en kru taal gebruik nie of musiek speel asof hul die enigste persone op die planeet is. Het gedink om n paar dae in Skelmbos/Franschoek area te kamp en dan miskien bietjie Weskus en Cederberge.

Tans is ek maar besig om op die webtuiste SAKamp te loer asook Wegry tydskrifte asook die 4x4 forums sodoende kry mens darem ook n idee van plekke wat mooi lyk op SAKamp maar daan lees mens die forums dan kom jy agter party plekke is nie wat hul voorgee nie.

Shalom
Jules

[Stefan]

Mountain breeze by Stellenbosch is baie goed

[David]

Ek dink ook aan plekke soos Yzerfontein, Dwarskersbos en Tietiebaai maar ek weet laasgenoemde is baie besig oor Desember wat nie vir my so lekker is nie.