Ungili lek Anti-Freeze!!

[Herrie]

Het Saterdag in Borakalalo gaan werk - is 05h30 uit Pretoria en die demister wou nie so goed soos gewoonlik werk nie. Daar was 'n snaakse reuk in die Patrollie maar kon dit nie opspoor nie.

Gister oggend by die werk sien ek nat kolle op die pad en gister middag 'n groot nat kol onder die passesiers kant.
Het die bonnet oopgemaak en sien toe dat daar anti-freeze druppels is in 'n gaatjie in die fire wall - seker waar die aircon water uit kon. Die radiator kert toe so 2 liter water.

By die huis het ek die probleem begin soek en vind toe dat die matte aan die passesiers kant nat is en dit lyk of dir miskien die heater radiator is wat lek.

Om die radiator uit te kry lyk na groot werk! Miskien wat ek moet doen is om eers kerriepoeier in te sit en sien of die lek ophou - dit het puik gewerk met die vorige engin radiator.

Enige ander voorstelle?

[Wheels]

Herrie dit is baie werk daardie as jy die binneste radiator wil reg maak. Probeer eers die kerrie trick. Ek het Sondag ook my Patrol se radiator sien lek Het hom laat reg maak en 'n nuwe boonste top tenk laat op sit. Die radiators word so goedkoop moontlik gebou om Nissan geld te spaar.

[JG Shields]

Ek vertrou daai kerrie net so min soos hulle se "vervaardigers". Dit prop dalk die gaatjie vir eers toe, maar wikkel die gaatjie dalk weer oop waar, en wanneer jy dit die minste wil he bv in die Botswana bosse.

[Herrie]

Ok, die kerrie poeier het nie gewerk nie! Het toe maar die twee pype by die firewall losgemaak en aanmekaar gekoppel.

[David]

Ek verstaan dat 'n ou kerrie poeier gebruik vir 'n noodgeval in die middel van 'Gat sonder Water' om jou by die huis te kry maar ek sal nooit andersins die gemors in my waterstelsel gooi nie - daar hoort net water en anti-freeze!
Flush die gemors uit - dit pak aan waar dit nie moet nie en wanneer dit werk is dit net 'n kort termyn hulp wat jou later op die slegste tyd gaan in die steek laat.

Bygesê - My ou Safari het ook maar so sonder 'n 'heater' klaargekom - Jy trek maar net warm aan in die winter