3l diesel consumption

[JG Shields]

Frans en Koos,

Dis darem lekker op hierdie forum!!!!!

Dalk ry ons die spoed/brandstofverbruik ding nou holrug, maar net nog een staaltjie. 'n Vriend van my het 'n 2005 Hilix KZTE (DC). Op 'n sonskyn dag in 2006 besluit hy om "groooooot" bande op te sit. Na 5km se ry skuur die bande te veel teen die bakwerk en draai hy sy bakkie net daar na die naaste OME winkel toe en lig hom met 3". Twee weke later, na die 1e tenk brandstof, tref die skok van SWAK BRANDSTOFVERBRUIK hom. Hy geniet egter sy bakkie se nuwe konfigurasie so baie dat hy dit maar aanvaar. Nietemin vertel hy vir almal dat die OME sisteem daartoe ly dat brandstofverbruik verswak.

Na my gespelery met Lasarus se enjin, diffs, bande en OME en die somme soos ons nou hier bespreek het, ry ek mos anderdag na hom toe. Ons haal sy brandstof logboek uit, meet die wiele se omtrek en maak die regstelling teenoor die bakkie se standaard wiele. WALAAAAAAAAA....sonder dat hy een enkele kilometer gery het en sonder dat ons eers sy enjinkap oopgemaak het, herstel ons sy brandstofverbruik terug na wat dit oorspronklik was. Dis eintlik grappig!!!!

Nietemin, ek het op 'n webblad afgekom van 'n instansie wat Patrol se "speedo" kan kalibreer. Sodra ek nou met al my eksperimente en konfigurasies klaar is op Lasarus, sal ek dit laat doen.

[Gerrit Loubser]

Koos, Mitsubishi het al die GDI enjins sedert die middel 90s in produksie, maar ons het hulle nie hier gekry nie. Net soos CDI dieselenjins benodig die GDIs baie skoon brandstof met 'n bepaalde minimum smeervermoe. Ek het al, paar van die GDI Pajeros gesien wat uit Botswana en Swaziland kom. Daar is 'n brandstofverbruikvoordeel, miskien van die orde van 10 of 15% relatief tot 'n soortgelyke nie-GDI petrolenjin.

Volkswagen verkoop ook die FSI-enjins nou al 'n rukkie hier.

[tour de frans]

Gerrit en Koos
Goeie dag aan almal ook.Gerrit dis reg met die VW enjin FSI wat al n rukkie hier is.Ek weet egter nie wie het eerste met daai idee opgekom nie.Ek kan net se dit is n baie "fancy"- gesofistikeerd,enjin daardie.Ek was bevoorreg om op Johan Fourie se kar te werk en dyno.(Audi S4 groun N).
Die FSI enjin spuit direk sy brandstof in die ontbrandings kamer in.Om dit te kan doen het hy 2 3.5bar petrol pompe wat n meganiese pomp voer.Die meganiese pomp word deur een van die nokaste aangedryf.Die brandstof druk is 20 bar op idle,en 100bar wanneer jy rev.
Omdat hulle nou direk in die ontbrandings kamer inspuit,spuit hulle die brandstof in net voor die vonkprop vonk.MAW die kompressie slag is net lug wat saamgepers word en nie n lug en petrol megsel nie.So die enjin kan nie pieng nie,en die kompressie druk verhouding kan ook baie hoer wees.Die FSI enjin is 13:1,en hy loop met pomp petrol.
Julle moet hoor hoe mooi klink daai ses cylinder teen 8000 toere.....
Groete
Frans

[KOOS BEST]

Frans en Gerrit dankie vir jul verduidelikings , so vir n leek is dit soos n CRD sisteem in diesel , maar nou net in petrol maw.?
Is die voordeel hier meer vir krag of vir verbruik?

[tour de frans]

Al twee,Koos,Dit loop hand aan hand.Hoe meer effcient die enjin hoe makliker die krag en beter die verbruik.
Groete

[Pieter du Toit]

Hello Almal,

Sjoe maar julle manne kan darem omtrent die dam sommer heeltemal uitpluk onder die eend met so n onderwerp!!!

Kort en die lank van die saak is - ek laaik my Patrol en sal hom bly ry al gee hy my seker ook net 4km/l !!! Solank alles werk soos dit moet en binne toom bly is ek nou maar min gespin oor die ou dieseltjies - dit kom mos maar saam met die game!!!

Groetnis